من درر الشاعر الجبلين

شفتك معه تمشون بالسوق واغضيت
وذكرت حـب بيننـا كـان عـذري
والله لو تدرين وش عقـب سويـت
ما طاوعك قلبك علـى شيـل وزري
انتـم تعديتـوا وانـا مـا تعـديـت
عجزت اسير وضاقت الارض حدري
انتـي حسبتينـي نسيتـك وقفـيـت
وانـا همومـي ثايـرات بصـدري
عادت بي الذكرى لوقـت تناسيـت
يوم ان حبك داخـل القلـب يسـري
ايـام فيهـا حبنـا عالـي الصيـت
لا واحسايف حبنـا ضـاع هـدري
نسيت وقت فيـه تفتـح لـي البيـت
وتبدأ تهللي يـا بعـد كـل عمـري
نسيت قولك يا بعـد حـيِّ و ميـت
عاهد واعاهد لا يجي منـك غـدري
ومديت لك يمناي واقسمـت واثنيـت
اني ما خونك وانت بالحـال تـدري
وعاهدتني واخلفت وانكرت واشقيـت
وانا احسب انك عارفٍ ويش قـدري
يا ما على بالـي ودنيـاي عزيـت
وياما فديتك باجمل ابيـات شعـري
ياما من ابيات الغزل فيـك حطيـت
اصور انـك نـاوي يـوم هجـري
ظني صدق جاني خبر ويش سويـت
انت برضاك اظلمت فجرك وفجـري
لا تعتذر وش فايـده لـو ترضيـت
عمر الهوى لا فات ما فيـه بـدري
ولا تبدي دموعي النـدم والتناهيـت
وانت السبب باللي جرى لك ويجري
كان انت مستانس انـا مـا تهنيـت
يشهد على شكواي دمعـي وسهـري
وان كان حظك جاب لك ما تمنيـت
انا حظيظ بـزود حلمـي وصبـري
يللي علـى حـبِّ عزيـز تعاليـت
لا تذرف دموعك على جـال قبـري




كلمات : شاعر الجبلين عبدالعزيز الجريفاني .