حفلة خفوقي

على وتر عود المحبين دندنّت
============= وجريت لك موال حبي وشوقي
وقلت القصايد في عيونك ولحنّت
======== ==== وسويت لك حفله بداخل خفوقي
وغنّيت لك قصة غرامي وبينّت
============= باسلوبي الراقي وحسّي وذوقي
ابيك لامنّك تسمّعتها لنّت
============= لابسط مطاليبي ولأصغر حقوقي
قدرك ، ماهوب الماس في ساعة ( اورينّت )
============ ==ولا حروفٍ جمعت في الحلوقي
اصدق مشاعر شاب تنقال في بنت
=========== = ينبض بها قلبي ، وتمشي عروقي
وإن كان من بد الملا . ما اعجبتك انّت
============= = وإلا عساها ما تبارك طروقي